ഇന്ത്യ സഖ്യത്തിലെ ഭിന്നിപ്പ് ഡല്ഹിയില് തിരിച്ചടിയായെന്ന് മുസ്ലിം ലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടി. തിരഞ്ഞെടുപ്പ് ജയിക്കാന് ബിജെപിക്ക് അവസരം ഉണ്ടാക്കിക്കൊടുക്കുന്നുവെന്നും കുഞ്ഞാലിക്കുട്ടി വിമര്ശിച്ചു. ഡല്ഹിയില് ഒറ്റക്കെട്ടായി നിന്നിരുന്നുവെങ്കില് വിജയിക്കാന് കഴിയുമായിരുന്നുവെന്നും അദ്ദേഹം കൂട്ടിച്ചേര്ത്തു.’ഒരു പാര്ട്ടിയെ മാത്രം കുറ്റപ്പെടുത്തിയിട്ട് കാര്യമില്ല. എല്ലാവരും ചേര്ന്ന് ആലോചിക്കണം. ഭാവിയില് ഈ അവസ്ഥ ആവര്ത്തിക്കാതിരിക്കണം. ഇന്ത്യ മുന്നണിയിലെ കക്ഷികള് വിശാല മനസ്സ് കാണിക്കണം’, കുഞ്ഞാലിക്കുട്ടി പറഞ്ഞു.